Júró, orð dagsins og smá gjafahugmyndir

Það er auðvitað alveg ljóst að ég er að fylgjast með Júróvisjón. En ég ætla mér nú samt að skrifa um eitthvað allt annað. En langar samt til þess að rifja upp að fyrir ári síðan þá ræddi ég um þessa sömu keppni. Hélt því þá fram að það vantaði allan húmor í okkur fyrir þessari keppni. Staðan í dag nokkuð önnur. Það sem hefur þó ekki breyst er hversu hræðilega vond þessi keppni er á köflum. Maður hreinlega tárast yfir sumum af þessum lögum. En auðvitað mun ég sitja yfir þessu á laugardaginn. Sigurhátíðin verður haldinn á sama stað og síðast í 101.

Orð dagsins hjá mér er hins vegar þreyta. Ég hélt í alvöru að ég væri að fara hrökkva upp af í píningunni í morgunn. Meira að segja þjálfarinn minn hafði smá áhyggjur af því að ég myndi hreinlega detta niður með lóðin í höndunum. Fann virkilega fyrir ferðalagi undanfarina daga. Samanlagður svefntími undir meðallagi og ég var bara hreint ekki í miklu stuði í morgunn. Nýjustu mælingar á forminu heldur ekkert fagnaðarefni. Greinilegt að ég þarf að fjölga komum mínum í Hress. Í það minnsta ef ég ætla að vera sæmilega stemmdur fyrir Hornstrandargönguna í sumar. Bendi áhugasömum að hópurinn er opinn fyrir fleiri ferðafélögum. Svo ekki vera feimin við að láta vita að þið hafið áhuga á því að slást í hópinn. Hægt að skoða ferðaáætlun hér á Neverwhere.

Sem áframhaldandi innlegg í afmælisgjafahugmyndir þá sá ég þessa snildardiska. Finnst þetta frábær hugmynd. Ég er reyndar að leita mér að nýjum diskum. Því þótt mínir núverandi séu fínir, þá hafa þeir ekki elst alveg nægilega vel. Eini gallinn við þessa ofangreindu er að þeir eru held ég ennþá hugmyndastiginu. En ég á svo sem ekkert afmæli á morgunn, svo hugmyndinni er hér með komið á framfæri.

Fann annars þessa vísun í nýjustu mynd Oliver Stone. Takið sérstaklega eftir auglýsingunni fyrir Zoolander.