Blíðviðri og afmælisgjafahugmyndir

Vá hvað það var frábært að ganga um á stuttermabol í dag. Ég rölti sem leið lá í gegnum miðbæinn í Hansabænum. Vissi að það var fínt veður. En það var  betra en ég átti von á. Eiginlega bara alveg frábært. Fullt af fólki í bænum. Kosningaskrifstofur að gefa pylsur. Þetta gerist ekki á hverjum degi hérna. Vorið er yndislegt. Ég ákvað að fá mér ís. Rölti inn í verslunarmiðstöðina í miðbænum. Þar er ísbúð sem var auðvitað lokuð. Einhverjum hefði dottið í hug að ræsa út starfsfólk og moka út ís. En ekki þeim sem eiga þessa ísbúð. Veit ekki afhverju. En vonandi verður opið þarna um helgar í sumar.

En ég er kominn með fleiri hugmyndir að afmælisgjöfum. Mig langar í laukskera. Finnst þetta frábært tæki. Skemmtileg gjöf.

Svo verð ég bara að benda á Nornabúðina. Fullt af sniðugum gjöfum fyrir þá sem eiga allt. Skilst til dæmis að fávitafælan svínvirki. En mig vantar kannski ekki svoleiðis. Kannski kvennaveiðar frekar.

Að lokum er svo rétt að benda á að ég myndi alveg vera til í að fá kassa af víni. Sá þessa hugmynd um daginn. Þetta gengur sem sagt út á að setja saman kassa af víni. Sem hvert um sig er ætlað í ákveðin tilgang. Merkt sem slíkt. Þetta fannst mér skemmtileg hugmynd. Sem ég gæti alveg hugsað mér að fá sem afmælisgjöf.

Svo vil ég endilega hvetja ykkur til þess að kjósa nú versta lagið.