Afmæli í fjölskyldunni

Það var afmæli í fjölskyldunni minni um daginn. Systir mín bætti við sig enn einu árinu. Ekki stórafmæli samt. Svo það var ekki haldin stórfagnaður. Meira svona að kíkja í heimsókn eftir vinnu og óska til hamingju með daginn. Meira að segja ekki einu sinni á afmælisdaginn. Ég hafði fengið afmælisgjafahugmyndir frá henni, svo ég var ekki í stórvandræðum með að velja gjöfina. Valdi bara það sem mér leist best á. Vona að hún hafi verið ánægð með valið.

Það er nefnilega alltaf svo skemmtilegt að halda upp á afmælisdaga með sínum allra nánustu. Þessum sem eru í fjölskyldunni. Ég sakna þess eiginlega sem einbýlingur að hafa ekki einhverja fleiri daga en mína eigin til að halda upp á. Mér hefur reyndar alltaf fundist það nauðsynlegt að halda upp á daginn. Afmæli nefnilega eini stórhátíðardagurinn sem ekki er ákveðin af einhverjum öðrum en þér. Þetta er til að fagna að við höfum náð einu ári í viðbót til þess að bæta í lífssöguna. Þess vegna fannst mér skemmtilegt að samgleðjast systur minni.

Finnst líka alveg merkilegt hvað við systkinin erum ólík. Þó það hafi reyndar verið meira áberandi á okkar yngri árum. Sést bara best á því hversu ólík áhugamál okkar eru. Eða kannski voru. Því núna eftir því sem árin líða. Þá finnst mér eins og við nálgumst hvort annað. Hvort sem það eru árin og reynslan. Eða að við erum að mættast í áhugamálunum. En ég hef kannski aldrei fundið eins mikinn samhljóm með því sem ég er að gera og velta fyrir mér og því sem hún er að gera. Sem mér finnst óskaplega skemmtilegt. Þess vegna óska ég systur minni alls hins besta og margra fleiri afmælisdaga. Ég á bara eina svona systur og finnst eiginlega meira vænt um hana og hennar en flest annað.

Ummæli

Vinsælar færslur