Er að hugsa um tímann
Einhverja hluta vegna þá fór ég að hugsa um tíma í dag. Kannski bara vegna þess að þetta var róleg helgi hjá mér. Ég gat ekki hugsað mér að eyða tíma mínum úti. Var þess vegna bara heima. En svo í dag. Þá fór ég allt í einu að hugsa um hvernig tíminn líður. Þetta gæti verið merki um að ég sé bara kominn á þannig aldur að tími er farinn að fá á sig svolítið öðruvísi mynd en hérna áður og fyrr. Tíminn líður eitthvað svo hratt. Kannski það sé eitthvað til í því að eftir því sem ég verð eldri, þeim mun hraðar muni tíminn líða. Eða kannski er þetta bara af því að ég er stöðugt að láta mig hlakka til nýrra ævintýra.
Núna er ég til dæmis að hugsa um næsta sumar. Hef svolitlar áhyggjur af því að hnéð muni stríða mér. Ég komi þess vegna ekki til með að geta rölt eins mikið á fjöllum og mig langar. Þau eru farin að kalla á mig. Horfði út í dag og hugsaði um hvað mér finnst notalegt að rölta. Það er eitthvað sérstakt við það að rölta upp á hæðir og hóla. Sem veitir mér alveg sérstaka hugarsvölun. En hnéð tók upp á því að stríða mér í vikunni. Hef áhyggjur af því að það muni halda því áfram. Sem þýðir á endanum heimsókn til læknis. Ég vona ekki. Því þá mun ég þurfa að slaka á í einhverjar vikur. Gæti þýtt að sumarið færi fyrir lítið. En ég ætla að vera bjartsýnn.
Ég er líka að hugsa um sumarfríið mitt. Vantar eiginlega meira af svoleiðis fríi. Því ég gæti alveg hugsað mér að ferðast mikið og langt í sumar. En stefnan er sett á að heimsækja heimsins stærsta land næsta sumar. Sjá eitthvað af því. Er meira að segja að berjast í því að læra eitthvað í málinu. Held það gæti orðið erfitt að komast af án þess. En sú heimsókn er hugsuð í vor. Eða haust. Ég ætla nefnilega að njóta sumarsins hérna heima. Hornstrandir toga. En mig langar líka að fara austur. Nú er að sjá hvort ég nái að finna mér góða göngufélaga eins og hingað til. Það er næsta mál á dagskrá.
Núna er ég til dæmis að hugsa um næsta sumar. Hef svolitlar áhyggjur af því að hnéð muni stríða mér. Ég komi þess vegna ekki til með að geta rölt eins mikið á fjöllum og mig langar. Þau eru farin að kalla á mig. Horfði út í dag og hugsaði um hvað mér finnst notalegt að rölta. Það er eitthvað sérstakt við það að rölta upp á hæðir og hóla. Sem veitir mér alveg sérstaka hugarsvölun. En hnéð tók upp á því að stríða mér í vikunni. Hef áhyggjur af því að það muni halda því áfram. Sem þýðir á endanum heimsókn til læknis. Ég vona ekki. Því þá mun ég þurfa að slaka á í einhverjar vikur. Gæti þýtt að sumarið færi fyrir lítið. En ég ætla að vera bjartsýnn.
Ég er líka að hugsa um sumarfríið mitt. Vantar eiginlega meira af svoleiðis fríi. Því ég gæti alveg hugsað mér að ferðast mikið og langt í sumar. En stefnan er sett á að heimsækja heimsins stærsta land næsta sumar. Sjá eitthvað af því. Er meira að segja að berjast í því að læra eitthvað í málinu. Held það gæti orðið erfitt að komast af án þess. En sú heimsókn er hugsuð í vor. Eða haust. Ég ætla nefnilega að njóta sumarsins hérna heima. Hornstrandir toga. En mig langar líka að fara austur. Nú er að sjá hvort ég nái að finna mér góða göngufélaga eins og hingað til. Það er næsta mál á dagskrá.
Ummæli