Alþjóðlegi gabbdagurinn
Var í dag. Fyrsti apríl er einn af mínum uppáhaldsstundum á árinu. Þá er gaman að lifa og þá eru allir fjölmiðlar uppfullir af fréttum af því sem betur hljómar. Ekki eins og bæði fjölmiðlar og bloggarar séu ekki uppfullir af slíkum sögum allan ársins hring, en þarna taka meira að segja strangheiðarlegir fréttamiðlar þátt í leiknum.
Það var margt sem fékk mig til þess að brosa í dag, þó kannski hafi enginn hlaupið annan eins apríl eins og Auðun Georgson sem lét útvarpsráð og útvarpsstjóra teyma sig út í eitt best skipulagða gabb ársins. En látum aðra um að fjalla um það mál.
Mér þótti miklu skemmtilegra að uppgötva gleymda geimferðaáætlun. Geimferðaáætlun sem lét mun minna yfir sér en sú fyrri og menn eru bara rétt að rifja upp þessa dagana vestur í Bandaríkjunum. Jafn skemmtileg þótti mér sú frétt að Steve Jobs fyrrum forstjóri Apple væri nú að setjast í forstjórastól hjá IKEA. Best fannst mér samt nýji drykkurinn frá Google. Google Gulp er reyndar ennþá í beta útgáfu og vinur þinn verður að bjóða þér. En mér fundust fréttir af skákmótum sem halda átti víðsvegar um bæinn ekki næstum því eins skemmtilegar. Skemmtilegasta tilviljun dagsins var samt að rekast á bókina On Bullshit á Amazon. Getur verið nokkur skemmtilegri tilviljun til á deginum en að rekast á bók með þessu nafni?
Kannski ekki, en það er þó hópur fólks sem ekki lætur sér duga einn dag á ári. Nei, ég á ekki við Hrekkjalómafélagið eða svona sambærileg íslensk fyrirbæri. Eða forstjóra olíufélagana. Nei, heldur skemmtilegan hóp fólks í Bandaríkjunum sem lesa má um á vefsvæðinu Improv Everywhere. Væri ekki skemmtilegt ef eitthvað svipað væri í gangi hér á landi?
Það var margt sem fékk mig til þess að brosa í dag, þó kannski hafi enginn hlaupið annan eins apríl eins og Auðun Georgson sem lét útvarpsráð og útvarpsstjóra teyma sig út í eitt best skipulagða gabb ársins. En látum aðra um að fjalla um það mál.
Mér þótti miklu skemmtilegra að uppgötva gleymda geimferðaáætlun. Geimferðaáætlun sem lét mun minna yfir sér en sú fyrri og menn eru bara rétt að rifja upp þessa dagana vestur í Bandaríkjunum. Jafn skemmtileg þótti mér sú frétt að Steve Jobs fyrrum forstjóri Apple væri nú að setjast í forstjórastól hjá IKEA. Best fannst mér samt nýji drykkurinn frá Google. Google Gulp er reyndar ennþá í beta útgáfu og vinur þinn verður að bjóða þér. En mér fundust fréttir af skákmótum sem halda átti víðsvegar um bæinn ekki næstum því eins skemmtilegar. Skemmtilegasta tilviljun dagsins var samt að rekast á bókina On Bullshit á Amazon. Getur verið nokkur skemmtilegri tilviljun til á deginum en að rekast á bók með þessu nafni?
Kannski ekki, en það er þó hópur fólks sem ekki lætur sér duga einn dag á ári. Nei, ég á ekki við Hrekkjalómafélagið eða svona sambærileg íslensk fyrirbæri. Eða forstjóra olíufélagana. Nei, heldur skemmtilegan hóp fólks í Bandaríkjunum sem lesa má um á vefsvæðinu Improv Everywhere. Væri ekki skemmtilegt ef eitthvað svipað væri í gangi hér á landi?
Ummæli